قصة مابين عقلي وا قلبي

 تكملة الجزء الاول مابين عقلي وقلبي :

قلت في نفسي عنو طول عمرها ماكانت مقتنعة بالارتباط لانو حرام بس إيهاب خلاها تحبو بس غصبا عنها وكان ملاحقها من مكان للتاني لمن قدر يدخل قلبها واستمر ارتباطهم 3سنين وأخيرا يادوب عمل خطوة جادة انا بصراحة ماكنت محبذة العلاقة من اولها بس هي قالت انا بموت فيه بقيت ومابقدر اخليه ،السنة الاولي كانت كل مرة تقنع فيه يجي والسنة التانية برضو والسنة التالتة علي التوالي وأخيرا رضا يادوب .

جاني سيف قال لي ملابسي جاهزات هو طبعا اتصل بي عشان اجهز ليهو ملابسو من بدري لانو مسافر كالعادة قولت ليهو اي جاهزات وختيت ليك كمان معاه بلوفر عشان البرد شديد الايام دي عاين لي وقرب مني وقال لي اهتمي بالاولاد قولت ليهو تمام ياسيف وانت اهتم بنفسك قال لي حاضر جات نسمة جارية ليهو قالت ليهو بابا شوف رسمتي عاين ليها بكل حب في الدنيا وشالها قال ليها خليني اشوفها ورتها ليهو وقالت ليهو دي ماما ودي انا وديل اخواني قال ليها جميلة شديد الرسمة بس وين انا قالت ليهو عشان انت مافي علي طول مارسمتك رسمت ماما واخواني بس قولت في نفسي نسمة ومعز ماضاقو حنان ابوهم نهائي لانو مما ولدو دائما مشغول ودايما بسافر كتير وحتي لمن اقول ليهو ياسيف خلينا نستقر هناك بقول لي احسن ليكم هنا يانعمة فما كنت بحاجو لانو اتعلمت من امي انو قوة الراس مابتجيب الا المشاكل الكتيرة ملامح وشو اتغيرت ونزلها مشت عاين بعيد وانا عاينت في نفس اتجاه المعاينة لقيت احمد بعاين ليه ومحمر ليه انا ماعارفة ليه احمد مابطيق ابوهو ولا بحبو قال لي نعمة مايكون احمد يحرش في الشفع ديل قلت ليه سيف احمد زاتو شافع مالو ومال التحريش عاين .

تكملة الجزء الاول من رواية مابين عقلي وقلبي :

عاين لي وقال لي دا ماشافع يانعمة دا شيطان راعي لولدك قولت في نفسي لو انت ياسيف قعدت وربيتو ماكان طلع كده قولت ليهو حاضر انتبه علي نفسك قدمتو للباب قلت ليه سوق برواقة وماتسرع عاين لي وقال لي يانعمة ماكل مرة تقولي لي كدا المهم اهتمي بالاولاد وادبي الولد ده والا بجي وادبو ليكي .

طلع اتنهدت وناديت احمد قلت ليهو احمد انت حرشت نسمة تقول الكلام دا قال لي اي حرشتها قولت ليهو بس ياأحمد الكلام دا عيب انا اعمل ليك شنو وبعدين مناقرتك لابوك دي لشنو قال لي ياأمي انا بكره ابوي قولت ليهو لشنو بتكرهو ياأحمد قال لي عشان مااشتغل بينا ياأمي وما حصل اهتم بينا بجي زي الضيف وبمشي ولا بسالنا عملتو شنو قربت منو وقلت ليهو احمد ماتقول كده .

تكملة الجزء الاول من رواية مابين قلبي وعقلي:

قلت ليهو ياأحمد ماتقول كده ابوكم بريدكم بس هو مشغول شديد مفروض تعذرو مااشتغل بي ودخل لحقتو وقلت ليهو احمد اتفاهم معاي قال لي ياأمي ماعايز تفاهم انا كلمتك باي حاجة وتاني ماعايز اي كلام قولت ليهو والله ازعل ياأحمد قرب وقال لي ماتزعلي قولت ليهو طيب لو عايزني ماازعل اعتذر لابوك وماتقول كلام لاختك تاني وتحرشها عليهو قال لي مابعتذر ليهو ومشي هو كان متعلق بابوهو تعلق شديد واكتر واحد من أولادي قضي وقت معاهو عشان كده لمن بقي سيف طوالي ماف وبقي مازي زمان معاهو كرهو قعدت في الكرسي واتنهدت المشاكل الكتيرة دي انا زمان ماكنت خاتة ليها حساب ودائما بقول طالما انا وسيف مامتشاكلين مع بعض الاولاد مابتجيهم حاجة بس ماكنت خاطة في بالي دا يحصل قومتا سريع ومشيت لنسمة لقيتها بترسم قولت ليها يانسومة ماتشتغلي تاني بكلام احمد تمام عاينت لي وقالت ماما كلام احمد صاح لكن بابا علي طول ما معانا اتنهدت وحضنتها قولت ليها بابا عندو شغل ياحبيبة قلبي عشان كده بضطر يسافر لحتة تانية بس اعرفي هو بحبكم حب شديد قالت لي لالا ياماما مابحبنا لو بحبنا كان قعد معانا تاني حضنتني وقالت لي انا عايزة اكلمو بحاجات كتيرة بس علي طول هو ماف كلميه انو يجي ويخلي الشغل حضنتها علي وقلت ليها تمام المرة الجاية بقول ليهو الاولاد ديل متضايقين

تكملة الجزء الاول من رواية مابين قلبي وعقلي:

بقول ليهو الاولاد ديل متضايقين من حكاية سفرك دي فخلي شغلك فرحت فرح شديد بس انا ماعندي الجراءة اقول كده وكان بس عايزة اسكتها طلعت برة وقاعدة جاني معز وقال لي ياأمي في المدرسة قالو لي نادي ولي أمرك قولت ليهو بخصوص اجتماع ولاشنو ؟

دنقر راسو وتاني عاين لي وقال لي انا دقيت لي ولد مسكتو من يدو وقلت ليهو لشنو ؟قال لي قطع لي كتابي ؟قولت ليهو يامعز كان تشتكيه للمعلمة ماكان تلجأ للضرب قال لي ياأمي لازم اشيل حقي بيدي قولت ليهو انت الكلام دا بتجيبو من وين وريني بس ؟

احسن ليك يامعز تتعدل لانو المرة الجاية مابخليك قال لي تمام ومشي اتصلت بسيف وكلمتو بالمشكلة قال لي انتي مش شغلتك التربية يانعمة كيف كلهم يفلتو من يدك كده عذرتك في احمد بس معز ونسمة لو عملو تصرف تاني ماياهو مابعذرك قولت ليهو انا اسفة والله بس ماقادرة عليهم براي قال لي اخلي شغلي واجي احبسهم ولاشنو ؟ولا اخليكي تمسكي شغلي واجي انا اربي